كلمات اغنية رموز الصعب اسعد البطحري
أربع رموز في سن اليذاع
من فعله وسيع البنايد
وفالحول زاد الصاع بالصاع
عوايدً ماهي جدايد
واعدادهن سته بالجماع
منالهن راعي الوسايد
لصعب ما تصعب وتنصاع
في روس النوايد
لا مر بن مرخان لسماع
اسمن يذلل كل كايد
اسمه يوفي الشبر بالباع
اللي نواميسه عوايد
ابو هلا يا مرحبا الساع
عدً مايبغي له شهايد
ولجل السبوق الكاش مناع
يخلي البايع يعايد
انتاج آو مشرا ولا باع
في سبقهن اكبر فوايد
في وصفهن اسمع لك بداع
ابداع في وصف الفرايد
وصف المها لي فز مرتاع
من قانصً يبغي يصايد
ولا على حراً وطلاع
إللي ماخلا له شرايد
اتقول ما ياطن على القاع
كنهن على لاضي وقايد
ولا خليط بدم لسباع
في وصفهن ماني محايد
مرباعهن في الشوط مرباع
سبعً يحدد له طرايد
ناموسهن ناموس ينذاع
في مهرجان الشيخ زايد
كلمات اغنية عاش بو خالد اسعد البطحري