كلمات اغنية زي الاسد محمد سلطان
لو كنت عايز تاكل عيش
اجمد كدا وخليك وتد
في زمنا دا علشان تعيش
لازم تكون زي الاسد
هتعيش ضعيف حقك هيضيع
ويقطعوا في طيبتك تقطيع
والكل فيك يشتري ويبيع
وهتترزع اه وتتهبد
الطيبين خلصوا وخلص زمانهم
والمؤذيين كتروا وسنيين نيابهم
صحصح كدا وفتح عنيك
لو كنت عايز تعيش مابينهم
لو خربشوك قطع هدومهم
لو عضوا فيك كسر سنانهم
قوت العفي محدش بياكله
هتعيش طري هتصغر في عينهم
عيش محترم اه بس بحساب
حقك خده بحرفه وأدب
في زمنا دا اللي مالوش نياب
بيتعب وبيشوف العجب
انشف كدا وحمر عنيك
متسبش حد يدوس عليك
لو طمعوا فيك هيقلوا بيك
والف كف اه هتنضرب
الطيبين خلصوا وخلص زمانهم
والمؤذيين كتروا وسنيين نيابهم
صحصح كدا وفتح عنيك
لو كنت عايز تعيش مابينهم
لو خربشوك قطع هدومهم
لو عضوا فيك كسر سنانهم
قوت العفي محدش بياكله
هتعيش طري هتصغر في عينهم