كلمات اغنية شعور التفاؤل
لفاني على طرق الغلا والهوا مرسال
وانا من شعور وحب واحساس لبيته
هلا مرحبا باللي على الذاكره ما زال
اتجدد غلاه الذاكره لا تناسيته
عن البال ما قد غاب واشغلت فيه البال
احس اني اشوفه كثر ما تهييته
شعور التفاؤل يجعل الحلم طيب فال
ياكم ذاق حلمي سكرة الموت واحييته
تعلقت في حلمي وعلقت ابه الامال
كثر ما يجي بـ احلامي النوم حبيته
انا ما جذبني غير زوله من الازوال
وانا من قبل لا اشوف زوله تمنيته
ليا قال البي من قبل لا اسمعه وش قال
انا امنيتي اني بس احقق له امنيته
ولو ان الملوح جاب له شي ما ينطال
انا كل شيً لجل عيناه سويته
ولا باقي الا ابني على هيئته تمثال
والى رحت حييته والي جيت حييته
انا اغار من ظله ابجنبه لو انّه اظلال
تخيل وحتى من ولا شي داريته
وصد ورحل واسقاني امن الحزن فنجال
احلي من الذكرى وهمي تقهويته
ما يقتل لذيذ الحلم ويدمر الرجال
ياكود الفراق الي ما يدري بتوقيته
بعد خوته طاحت عزومي ودمعي سال
ولا فيه همً عقب فقده ما خاويته
انا لو لي حيله على مواصله بحتال
ياليت المفارق تنفعه لوه وليته
لو القلب له جنحان ما كان صبري طال
كفخ من ورا حدب الضلوع ونصى بيته
كلمات اغنية شعور التفاؤل منصور بن خالد
كلمات اغنية غلطة عمر منصور بن خالد
