كلمات اغنية صاحبة مقام احمد الخطيب
صاحبة مقام و ليها كرمات
و عنيها تشفي من العِلات
و جالها ياما كتير ف حالات
بس أنا ليا علاج مخصوص
تبقي خلاص كده من دراويشها
تمسِك في إيديها تاخد بركتها
أصل إللي داق و شرب وصفتها
ممكن يا عيني من غيرها يموت
حكولي عنها قالوا حكايات
قرب منها تلقى حاجات
تظهر فجأة عليك علامات
و تقول كلام كده بالمحسوس
و تعيش زي باقى إللي عاشوا
غرقان فحُبها ملبوس
قالولي سمي و قولها حي
و أكيد هتعرف إن انت جي
مكشوف حجابها و ملهوش زي
كلامها عسل حلو و مدروس
و تدوق زي كل اللي داقوا
سحرها جواهم مدسوس
لسه كمان هتشوف أوصاف
مش موجوده عند العراف
جمِد قلبك و إوعه تخاف
كل إللي شافها بقي مهووس
تفضل ماشي جوه في سكيتها
ولا يوم ها تعرف فين أخرتها
ياما ناس قبلك شافوا متاهتها
وصفوها قالوا دنيا و ملكوت
كلمات اغنية الجديد نوفي احمد الخطيب