كلمات اغنية صافي الجو موضي الشمراني
صافي الجو مير البال ماهو بصافي
كن باقصاه ريحٍ عاتية مستبدة
فيه رجوى وليف و فيه نخوة سنافي
و فيه شيٍ جديد و شي من قبل مدة
وكل ما جيت اباارمي بعض الاشياء خلافي
استحي لا يقول الهم ماني بقده
ما يهاب الثقال الا الرجال الضعافي
لا تذكرت هذي قلت مافيه صده
و يالله انك تعين و يالله انك تكافي
من شماميت خلقك و الوجيه المصده
افرج اللي عليك اليوم ماهو بخافي
و انصر اللي لحاله و اغبر الوقت ضده
رغم مر الليالي و السنين العجافي
ياخذ الوقت حقي و اعتزي و استرده
ما شكيت لهروج ولا ترجيت هافي
لين صار الرخا عندي عواصيف شدة
كل ما طال ليلي و اشتكاني لحافي
ارتقص و الحق لحافي مصير المخده
ما خلقنا لنوم فوق ديباج دافي
دايم نفوسنا للكايده مستعده
شيّب الراس لكن ما بعد شاب قافي
كل يوم و سيف الشعر يزداد حده
لو غزتني همومي ما اتراجع و اخافي
هم نطعن خشاه و همٍ اخر نقده
كلمات اغنية عيار موضي الشمراني