كلمات اغنية طيف المرتضى محمد فريدون
بين اليقظه و النّوم طيف المرتضى ايْحوم
ناده يوم المِنيَّه يمُسلم وِصَلْ
ألْوَحَا ألوَحَا ألعجَل ألعَجَلْ
ما بين الحقيقه اْو بين الأحلامْ
تِجَلَّه لْـمُـسلم الطّيفْ
طيف الـ لولا سيفه ماكو إسلامْ
علي الـ عـنده الحرب كيف
يگلّه يبِنْ أخويه العمُر ما دامْ
اْو تراك ابهالمسه ضيف
اْو عله الذّلْ حاشه مثلك يغفه و اِيْنام
دَگوم اْو جرِّد السّيف
يمَسْلم شِـيـل سيفك هذا يومك
اْو تراهي الجنّه مِتْزَيْنه لقدُومك
لعِد مُسلم إجه اليوم طيف المرتضى ايْحوم
گلّه يا بو حميده إجاك الأجَل
ألْوَحَا ألوَحَا ألعجَل ألعَجَلْ
يَـعِـرْگ الهاشِمي و العِـرِگ دسَّاس
أعرفـنَّـك يِسِرْدَالْ
أبو طالب لوَنَّه يُولد النَّاس
وِلَدْهُم كلهم أبْطالْ
يمَن غالي عَلَيْ مِثْل إبني عبَّاس
إذا جيش الكفُر صال
أريد اليوم بِسْمَك أرفِع الرَّاس
تحِط بالكوفه زِلزالْ
أرِيد اتْعِيد لو صَفَّـوْ الصَّـفّـيْـن
الجمَل و النّهروان اْو يوم صِفِّيـن
اْو عله راية الجيدُوم طيف المرتضى ايْحوم
يالله شدِّ العزِم و انتهِض يا بَطلْ
ألْوَحَا ألوَحَا ألعجَل ألعَجَلْ
نِفَض روحه اْو نِهَض مِجْدِم عله الموتْ
اْو نزَل بالكوفه غاضِب
يشمِّر بالعساكر فوگ اِلِبْيُوتْ
اْو يدوس اعْله الشّوارب
صِفه حتَّه الهَوَه بالرِّيَّه مَيْفُوت
خِنَگ بيده الكتايِبْ
بلعهم سِيف مُسلم بَلعةِ الحُوت
كفو بِبْنِ أبو طالِب
نِزَل مسلم عليهم جايب الويل
زلم تردِم زِلِم و الخيل بالخيل
يحُوم اْو ظنَّوْا الگوم طيف المرتضى ايْحوم
من نِزَل للحرب ناده خيْر العَمل
ألْوَحَا ألوَحَا ألعجَل ألعَجَلْ
لَمَن شاهَد بَسالة مُسلِم الحِيد
تِنُومَس بيه أبو احْسين
يردِّ الخيل و العسكر وُ اهُو اوْحيد
لچَن يا عَملة البَّين
إبْن اِجْواد بين المُوش أجاويد
غريب ايْدير بالعين ..
الظّمَه اْو شمْس الظهيره اْو ثُگل لِحْدِيد
اْو عليْه دارت الصُّوبين ..
بِهَض حيله نَـزِف دمّه التِجَاره
خذوه امچَتّف لْـقصْر الإماره
اِعْله جسمه الينزف ادموم طيف المرتضى ايْحوم
فاتِح إيده الوصي أو دمعه عالخَد نِزَل
ألْوَحَا ألوَحَا ألعجَل ألعَجَلْ
كلمات اغنية يا حيدر مدد محمد فريدون
