كلمات ظروف الوقت
ظروف الوقت
كل مامالت ظروف الوقت زادتني عزيمه
من دواليب الدهر ماعاد افكر فـ المصايب
لازم ان الانسان بيشوف السعاده بعد ضيمه
لازمً عقب الدهر فيّه ومرباع وهبايب
ماطلبت الا العفو من كبر هقواتً عقيمه
هقوةً من بعدها كثر الحسايف والعقايب
مثل نزّالً بذوده في وسط الارض الوخيمه
مثل من ربا عياله بالوفا والخال خايب
ان غزيت اغزي لـ ريمه مانويت شداد ريمه
مطمعي فوق النجوم الي علت دهم السحايب
خلك الصامل بوجه الوقت وعزومك صتيمه
ماتهاب وذخر للمضيوم في عز النوايب
دامني عندي النشاما لي وقار ولي حشيمه
وش علي من الكلام الي يقال بظهر غايب
ابتلشنا تالي الايام بنفوسً سقيمه
مرةً ترضى ومره تزعل بليا سبايب
الغناوي الي بغا فله لاكن ترضيه خيمه
مقتنع دام القناعه من كبيرات الوهايب
والله ان الكسب في الدنيا صداقاتً الحميمه
خوةً تبقى إلين نحط من تحت النصايب
الخساره خوةً بنيت على ذم ونميمه
والبطل فيها جبانً يتقي يوم الحرايب
ماطيب الي له مع اهل الطيب منهاج ووسيمه
مثل ماقال الزلامي خذ نصيحة راس شايب
قالها الي صفقته تدّوش ويخشاها خصيمه
من مزاجً مبعدً مغزاه في ظهور النجايب
مابغيت امازح الدجال ابوعينً كريمه
لين ثقلة حملة الجمال واتعبنا الركايب
جعلها توصل عمير الا توقع في صميمه
وفي النهايه محزمي مليان يوم الكيف طايب
كلمات اغنية شبيه البدر الوليد ال عامر