كلمات اغنية على ذكراك فيصل الساهم
على ذكراك يا خلي انا باقي على ذكراك
على ذكراك يا النادر ولو بتطول الغيبة
خطاك انك تسيء الظن بعد ما كنت انا اتمناك
على وضح النقا تدري وانا اللي كنت تماري به
تركتك لاجل مستقبل رسموه اهلك بدون رضاك
تركتك لانهم ادرى باللي مَ احنا ندري به
تركتك للنصيب اللي تقدم لك بدون ادراك
بـ انك هدف راسم له و محيته دون مَ اصيبه
انا صادق بـ وعدي كنت و هذا شي ما يخفاك
و لكن هذا حال الحظ يخون الحب و يرمي به
الا يا حظي العاثر الا يا القاتل الفتاك
تمشيني على دربٍ طويل و آخره خيبه
الا يالله يا ربي يا رب الكون و الافلاك
تزيل الحزن عن عبدٍ رماه الحظ في مصيبه
انا معذور في صمتي و انا معذور في فرقاك
نصيبٍ كاتبه ربي ابد لا يمكن نعيبه
ختام السالفه اكذب اذا اني قلتلك بنساك
شلون انسى حبيب كان كل وقتي اهذري به
صحيح اخترت انا بعدك ولكني عجزك انساك
كثر ماقلت ابي انسى كثر ماكانت صعيبة
