كلمات اغنية عمره خسارة حسين الاكرف
والله لو للموت منعوف الزيارة
المايزورك سيدي عمره خسارة
رفّت اعلام المسيرة ابكل شجاعه ياحسين
وصاحت اجدام المحب سمعاً وطاعه ياحسين
والمواكب غصّت وفاضت شفاعه ياحسين
والجنان ابحضرتك زفت بشاره
المايزورك سيدي عمره خساره
كربله ابوجه الظلم شلناها رايه .. ياحسين
نعتنيك وما تخوّفنه المنايه .. ياحسين
انت ثورة وماكو ثورة ابلا ضحايه .. ياحسين
كلها سكتت وارتفع صوت الغيارى
المايزورك سيدي عمره خساره
انت مصباح الهدى الما يطفى نوره .. ياحسين
واليزورك بالگبر باچر تزوره .. ياحسين
عالصراط ابأيدك اتسهّل عبوره .. ياحسين
والتسجّل اسمه ميطول انتظاره
المايزورك سيدي عمره خساره
انت جنّه وعطرك ايفوّح نسيمه .. ياحسين
ما تطبلك بس الگلوب السليمه .. ياحسين
من نجيك اتطيح الذنوب العظيمه .. ياحسين
والله ما تخسر ابد هاي التجاره
المايزورك سيدي عمره خساره
طبع اليحب يحچي عن حبّه ابلسانه .. ياحسين
واحنه ترجمنه محبّتنه ابدمانه .. ياحسين
يختلف حب العقل مابي خيانه .. ياحسين
واللي يعشگ بالعقل ثابت مساره
الما يزورك سيدي عمره خساره
كلها باچر منّه تشرد حتى اهلنه .. ياحسين
حدها بس للدنيا وتروح المحنّه .. ياحسين
مذنبين وماكو غيرك يشفع النه .. ياحسين
لا تخلّينه يبو الاكبر حيارى
المايزورك سيدي عمره خساره
كلمات عمره خسارة حسين الاكرف
كلمات وقف الخيل الشيخ حسين الأكرف ليلة 5 محرم