كلمات اغنية عن مسلم محمد فريدون
عن مسلم واخباره اتهل دمعات
متأمل توصلّه و گالو مات
عالظلم مارضى يصافح ايده
سلّم اعليك و ضحّى بوريده
يالمودّي المُفضّل و الثقه والتدري ميخونك
تريد اترجّع الناس اللي تاهت عن ضوه عيونك
يصرخه اعله الظلم بس وسفه ماكو اللي يسمعونك
عشِت بين اليضدك و اليخاف ايگلك شلونك
يدين الله والقبله رفضت الظلم كله
شفِت سهله من اتموت ولا عيشة الذله
يالعاقد آمالك ومودّي مرسالك من خيرة ارجالك
تختار
يالواثق بمسلم نور بدرب مُظلم وبفكرتك تلهم
احرار
والرايد يختارك ما يرتاب
يا ديره لدين الله و مسلم باب
هذا مسلم عرف شاليريده
سلّم اعليك و ضحّى بوريده
توادعتو وداع الماكو ملگه و تعتلي الونّه
يروح و يلگه كل الكاتبوك انصار يتمنّه
وصل للكوفه شايل بالرساله الـ منّك ومنّه
رساله ومُختصرها اللي يِنُصرك يدخل الجنّه
العشِگ يبدي بِحْروفك مِلا الدنيا معروفك
ولي يشوفك انته الدين صعب يگدر ايعوفك
والعنده وفّايه من تنطي الحچايه مسلم حمل رايه
وما خان
مسلم لزم دربك ويأمّن بگلبك يالتنطفي بحبك
نيران
ما يهتم لو تالي الرحله يموت
بس لا هاذي النُصره عنّه تفوت
من أجل حُبك الموته عيده
سلّم اعليك و ضحّى بوريده
وصلهم شاهد الرايات إلك بالكوفه مرفوعه
ولا حسّب ذممهم تالي تصبح كلها مبيوعه
تريد اللي يِنِصْرك حتى لو بس كلمه مسموعه
فرق بين التحبك طوعه ويِكِرهك ابن طوعه
حرب بالذمم هيّه ولتحبك شويّه
ترى اليستمر ويّاك فقط صادق النيّه
من ينكشف باچر يتبيّن الظاهر والگلّك ايناصر
چذاب
بس الـ عرف قدرك والما رضى يْنكرك والعايش بذكرك
ماخاب
ماخاب اليتمسّك بسم حسين
بس الوادم باعت دنيا و دين
واليواجه يزيد و عبيده
سلّم اعليك و ضحّى بوريده
رسايلهم چذِب طلعت وسافه ومسلم تعوفه
فقط ليله و ضحاها و وحده صاير يمشي بالكوفه
قسم لو ما الغدر ماچانت العسكر تجي تطوفه
هضيمه و واگف اگبال الطواغي مگيده چفوفه
على جرحه بالغربه العطش واصل لگلبه
وگف بيده طاسة ماي ولا يگدر ايشربه
حسراته يبديلك ودموعه يهديلك لو بيده يفديلك
چم روح
يدري العمر رايح بسمك يظل صايح من القصر طايح
مذبوح
واليبذل غاية مجهوده اعليك
لابد باچر بالجنّه يلاگيك
عالسطح روحه ظلت وحيده
سلّم اعليك و ضحّى بوريده
وصلّك هالخبر من طارش الكوفه اللي يمك مَر
يگلّك ما طَلَعْت الا و اشاهد مُسلمك ينجر
بچيت و صِعْدت الحسره اعله وجهك و الحزن أثّر
خفت لا بس حميده اتشاهدك بس الجرح اكبر
صعب صوتك الينعه ولا واحد ايسمعه
على الغالي من ايروح فلا تنشف الدمعه
هالطفله جدامك هاي اول ايتامك والباقي بايامك
آهات
يختارك و شفته ولخاطرك انته مسلم ترك بنته
بدمعات
والضحّالك عمره و مات بعيد
يدري بنيْته اتشوف بوجهك عيد
من گبل لا يوصّي بحميده
سلّم اعليك و ضحّى بوريده
كلمات اغنية لا تمشون محمد فريدون