كلمات اغنية عودها المبري مشعل بن عزاز
تقافت مجاهيم الليالي مع المقفين
وعادت مغاتير الليالي لموقعها
منول بريح واتسلى مع السالين
وانوخ ركابي والقرانيس ابرقعها
لاكن المحبة واقعٍ يرفض التخمين
لامن وصلت أبواب الضماير تشرعها
يابو رمشٍ يخلي غلاظ القلوب تلين
يخش القلوب القاسية ويتربعها
كتبت الشعر فيك ولافكرت ف الغاوين
انا شاعرٍ مشاعري ماتصنعها
لا طلعت مسباحي وسويتلي بيتين
تمثلت بك في خاتمتها ومطلعها
تحرك شجوني جرة خطاك يوم تجين
وتوسع خيالي عينً الله موسعها
هاذا سحر ولاطلسم جنون ولازين
تقول جمعت حسن العرب واخذته معها
تخطت معايير الجمال الطبيعي لين
تاكدت بان الارض ماهي بمرتعها
حجم عودها المبري مثل حجم نون العين
ليا شفتها تشك ابوها مجوعها
تباهي ترى العالم ماتقدر تصكك عين
شعاع الخدود الحمر لاشع يوجعها
تشوف الكبر زين وتشوف التواضع شين
على الشي ذا تاريخ أهلها يشجعها
عريبة نسب وجدودها مقتضين الدين
من الغطرسة تمشي على روس اصابعها
كلمات اغنية عودها المبري مشعل بن عزاز