كلمات اغنية عيد اتحاد محمد العويسي

كلمات عيد اتحاد

تجزون بالخير يامن تفعلون الجميل
ودوا سلامي الى من يستحق السلام
بوخالد محمد الحلحيل زبن الدخيل
رجل المهمات والوقفه ورجل السلام
ريّس ابن ريّس الدوله وشبحه طويل
عفعله يدرّس وينسب من فعوله نظام
من وصل داره حَرَز لو كان حمله ثقيل
يشيل حمله محمد لو صعيب المرام
بشته يظلل قبيله لا تقادح شعيل
وكفه يطمّن من عيونه جفاها المنام

لو قلت ديوان في وصفه بعيني قليل
وصفه تعدى القصايد لو يطول الكلام
واذا وصلتوا لقصره لاتشدوا الرحيل
ردوا وصاتي كفاكم خالقي مالملام
قصر الحصن لي تصدّر في وزون الخليل
سوقوا له احلى التهاني مثل سوق الغمام
عيد اتحاد الوطن ماهو بحاجة دليل
يكفيه فخر لثباته فوق خمسين عام
بجهود صفوة رجال تسوي المستحيل
حكام سبع الامارات الدهاة العظام
الناس تسعى لكسب الفايدة والحصيل
وعيال زايد على المريخ رزوا أعلام

اغنية عيد اتحاد محمد العويسي