فرحة ما تمت كلمات
الاقيها منين انا ولا منين
سابتني كتير لـ دماغي لحد ما انا بقيت بـ بالين
بمثل اني نسيت بس الدموع مالية العينين
كنت بهرب ليها منها طب انا دلوقتي اروح لـ فين
بقيت في ورطة فهمني ازاي افوّق يسطا
ده انا اي حد بحبه بيسيبني في اول محطة
جرحتك من غير قصد و جرحتيني و انتي قاصدة
انسي الغلطة عشان حبنا بلاش تنسيني عشان الغلطة
اخرجي من دماغي لا اخرجي من قلبي
بحبك لسا باقي بس انا بضطر اخبي
لسا بتحني و تشتاقي ولا خلاص ارتاحتي بعدي
انا نِفسي بجد انساكي انا لسا عايزك جنبي
بقيت كتوم ولا بشكي لحد ولا ببوح
بضحك بس ضحكة صفرا و من جوايا معبي جروح
احلامي خلصت بعدك كنتي الحلم و الطموح
انا سميتك روح و مخدتش بالي ان الروح بتروح
عايش بس بـ قلب ميت
متحكيليش احزانك انا بموت و اقول كويس
انا ليه فضلت فيكي متبت
لو كنت انا في مكانك عمري ما كنت هبعد زيك
كان ممكن نرجع لو كانت حبت
و انا كنت بـ كل سهولة عادي بـ كلمة واحدة اتثبت
بتشتت قلبي حَبك انا مش عارف اكدب
كنتي فرحة قلبي بس خلاص يا فرحة ما تمت
لسا ببكي لسا بشكي لسا بـ شكي
لسا بحكي لـ ناس اصلاً مش حاسة بـ همي
لسا عصبي لسا سلبي لسا بخبي
و اقول مش ذنبي و اسمع اغاني تحرق دمي
لسا بسامحك و في بُعدك بطلع ألف مبرر
لسا بنكر و اقولهم راجعالي انا متأكد
لسا عاذرك لسا عايزك انا مش سايبك
وحشتني جملة انا بحبك و عشان كده بنكد
مبقتش عارف انا ظالمها ولا ظالمني
اصل انا هموت عليها فـ مش طبيعي تقوللي سيبني
اصل انا غلطان و ندمت و هي مش عايزة تسامحني
مش هننفع نبقى صحاب بعد اما بقت حتة مني
انتي مش حدوتة ولا حكاية احكيها لكل الناس
كلهم عندي فضة و انتي بينهم زي الماس
هتفضلي عـ الراس كـ تاج مهما يقولولي بلاش
حتى لو احنا مرجعناش هتفضلي بنت الدساس
عايش بس بـ قلب ميت
متحكيليش احزانك انا بموت و اقول كويس
انا ليه فضلت فيكي متبت
لو كنت انا في مكانك عمري ما كنت هبعد زيك
كان ممكن نرجع لو كانت حبت
و انا كنت بـ كل سهولة عادي بـ كلمة واحدة اتثبت
بتشتت قلبي حَبك انا مش عارف اكدب
كنتي فرحة قلبي بس خلاص يا فرحة ما تمت
كلمات اغنية حدوته زياد الدساس
