كلمات اغنية فوق محمد سلطان
بترخص نفسك ليه
وتتذل لناس بايعاك
دا اللي انت روحك فيه
عينه أصلآ مش شايفاك
كفاياك بقي قلة قيمه
كسرة نفسك دي جريمه
بطل بقي تعمل قيمه
لناس م الحسابات شايلاك
حبل الإخلاص مقطوع
ليه مكتف نفسك بيه
و مصر تعيش مخدوع
ومعلق روحك فيه
رخصوا تمنك وقبلت
إهانه وذل إتحملت
من نظر الكل نزلت
فاضل ايه تبكي عليه
فوق خليك دايما راسك فوق
أوعي يذلك يوم مخلوق
بلا حب بلا غرام بلا شوق
اللي يبيعك فرط فيه
فوق كلنا واحد بني أدمين
مش م السما والله نازلين
ملعون الحب اللي يهين
إنسان في كرامته ويأذيه
دوس ع اللي يبيع لو تقله فلوس
ماتوطيش علي أيد وتبوس
مش ماشيه حياتك بتروس
علشان تقف الدنيا عليه
عيش فارد جناحاتك ومفيش
حد أذيك وقاصصلك ريش
دا اللي يغمس ذل بعيش
بتصرخ بطنه وتدعي عليه
عيش للي بروحه شاريك
ولأخر عمره معاك
وسيب أيد اللي يوطيك
وعشرته دايمآ كسراك
واقفل بابه المفتوح
لو جالك منه جروح
ولحد طلوع الروح
ماتحنش للي راماك
الكون دا بكل مافيه
مافيهوش مخلوق يستاهل
تضحي عشان ترضيه
وف عزة نفسك تتساهل
حب بلا كرامه يغور
لو هيسكن ف قصور
أرض التقدير لو بور
عن ورثك فيها إتنازل