كلمات اغنية فيس بوكي احمد مكي
خد دى
انا ماليش اكونت عال فيس بوك اسمع من مكى
خلو بالكوا ماللى بيعمل فيس بوكو انه فيس بوكى
حاول تحلقله تنفضله فكك منه او فكى
مهما قالك و حلفلك وبعتلك سكه او سكى
نازل مالبيت بليل اجيب فول بيض زبادى و فينو
العشا الرسمى فى مصر طبعا كلنا عارفينه
قابلت واد فاقد من الحته و فقرى و اسمه نينو
مع ميه و دخان و بيهذى يخرب بيت سنينه
خليه ينفع يا مكى عال فيس بوك اعملك ادد
انا واحمد معتز و طارق و .و.و. عماد
وانت منفضلنا التنفيضه السوده دى خد ياد
اعملنا ادد اعملنا ادد مش مهم معتز و طارق المهم انا و عماد
قلتله يابنى انت بتهذى ولا يتتكلم جد
انا من زمان بينى وبين الفيس بوك 100 سد وسد
اخرى كان ال هاى فايف يمكن وال اى سى كيو
هتقولى عندك فيس بوك هقولك دامن يو
خدنى من ايدى البيت و يورينى اصل الموضوع
قام فاتح الفيس بوك لقيت 30 اكونت مصنوع
حاطين صورتى وكاتبين اسمى وعاملين نفسهم انا
وكل واحد فيهم بيكلم الاف فى السنه
هموت واعرف بيقولوا ايه للناس على لسانى
دى حاجه تخوف ترعب حط نفسك مكانى
لسه مفقتش مالصدمه قام نينو ورانى حاجه تانى
فتحلى عال فيس بوك فان بيدج فيها مية الف فان
كاتبين كلام جميل خلى قلبى مرفرف فرحان
شكرا لكل اللى كتب ان كان ليدى او مان
ملحقتش افرح راحت الفرحة بقيت قاعد غضبان
اصلى لاحظت ان اللى عمل الصفحة عيل كتيان
متقمصنى و بيتكلم زى دبور فى فيلم مرجان
كبر جيهاك روق ديهاك و اخبط دى يا مان
سلطاتك بابا غنوجك و اضربلك خبور كمان
ركزت قريت كل اللى كتبه الواد ده لقيته هباب
دخلت فى لحظه كتبت فى كل الصفحة دا واد نصاب
مسح اللى كتبته بسرعه و رد وقال هو الكداب
فجاة الكل قفش كشر كان ناقص يرمونى قبقاب
وبعتلى شتيمة عملى بلوك و طردنى طرد كلاب
يجطع النت عالنتيت عالى عينتتوا عليه
دورت اكتر ولقيت صفحات عالنت باسمى كتيرة
كل اما افتح صفحة الاقيها مليانه فتاوى كبيرة
اخبار حصرى على لسانى مكى اصله ادانى التاشيرة
وعلاقتى بالناس دى زى علاقة الدولارات بالليرة
معرفش عنهم حاجه ولا حتى بتجمعنا الجيرة
ربنا يشفيهم دول ناس عيانه مش ناس شريرة
كل ساعه بتصريح متفبرك ليا و كله حماسه
اشى فن و اشى اخبار شخصية و فتى فى دين وسياسه
الاغرب انى بلاقى ناس عاقلة كتيرة و بتصقف
بتاخد كل اخبارى مكذوبة منهم و تفرق
والفتية بتفضل تكبر تنتشر تضخم تترستق
تتذوق تترقق تتحول لاشاعه و تتصدق
تانى يوم بلاقيها بتتاكد اخبار فنية تشل
فوقفت وقفة طويلة مع نفسى ولقيت الحل
قررت اعمل اغنية انى مليش اكونت او سايت
لو قابلك اى مكى عالنت قوله جود نايت… هاها
انا ماليش اكونت عال فيس بوك اسمع من مكى
خلو بالكوا ماللى بيعمل فيس بوكو انه فيس بوكى
حاول تحلقله تنفضله فكك منه او فكى
مهما قالك و حلفلك وبعتلك سكه او سكى
الويب سايت الوحيد اللى فعلا بتاعى
mekky4rael.com
اى حاجه تانية عالنت حماده بالجنزبيل
مكييييييي هو انت فعلا هتعمل فيلم اسمه ثعبان البحر اللى هو بالانجليزى سيس
الله يخرب بيتك انت جبت الكلام ده منين
فيس بوك
الله يخرب بيتك على بيت الفيس بوك …..
طب ياعم متزعلش ممكن اغنى الكورس
go chere (الشبوكشى)go chere (برده الشبكشى )
الشبكشى وبعدين الكورس ده مش بتاعى ده بتاع فيفتى سنت
انا ماليش اكونت عال فيس بوك اسمع من مكى
خلو بالكوا ماللى بيعمل فيس بوكو انه فيس بوكى
حاول تحلقله تنفضله فكك منه او فكى
مهما قالك و حلفلك وبعتلك سكه او سكى
كلمات فيس بوكي احمد مكي
كلمات اغنية جدعان طيبين احمد مكي
