كفك اغاني

كلمات اغنية كفك اغاني اميمة طالب

لا الوقت يوفي لي وعد حبّك ولا راضي تخونْ
أتعبْتِني كفك اغاني صبح وظروفي دُجا

أقرب من حدود الوَهَم وابعد من حدود الظّنونْ
لا قاطعٍ فيك الأمل مَرَّهْ ولا لي بك رجا

لا جيت ابي قُرب الهوى تِطَرْبِقَتْ من كل لونْ
ولا جيت ابي ابعد عنْكْ والّا الّلي لجابي قد لجا

كم جيت اهوّنها على نفسي وعيَّتْ لا تُهُونْ
لا مركبي يغرق واقول ايأس ولا هو الّلي نجا

وش في يدي غير انّي ارسم قصّتك صبر وعيونْ
وش في يدي لا في يدي صوتٍ وهو يبكي شجا

نعم، وابطعن خاصِرَة وقتٍ مشبّعني طعونْ
ثار الهوى ما تاخذه غير اغنية عاشق سجا

أطرد من همومي واحسّ هموم غيري يلتجونْ
واشوفهم هذاك جا هذاك جا هذاك جا

وآقول: حيّ الله من جانا واغنيك بجنونْ
المسأله عدّتْ دروب المدح ودروب الهجا