كلمات كون انسان
شكراً على الجرح وعلى الخذلان
وشكراً على الضيقه وطاريها
قبل تكون محب كون انسان
لاتكحل الفرحه وتعميها
شرْهت معاذيرك على الهجران
وعيون حبـــك طاح غاليها
علمني النسيان بالنسيان
لو عشرتك مانيب ناسيها
فاز الحنين وتوّج الاحزان
وغيبتك غابت ضحكتي فيها
برد المشاعر يرهق الخلّان
خضر القلوب البيض يشقيها
بالبوح واللوعات والكتمان
والهقوه اللي خاب هاقيها
حتّ الطموح ويبّس الاغصان
ومواصلك ماعاد يرويها
يوم المحبه سيلها هتان
تزهر على ضحتك امانيها
نظرة عيونك تسقي العطشآن
تذبح معاليقي وتحييها
لو تبحر احلامي بلا عنوان
في شاطي عيونك مراسيها
طارت بي الذكرى بلا جنحان
لين احتوت بيديني ايديها
كن المطر لاصدّق الودّان
مجدب معاليقي يساقيها
لو كان مايلهمني السلوان
ويجدد الذكرى وماضيها
لوتزْعل الافراح ي الزعلان
نزعل لك الدنيا ونرضيها
يضيع عمر انسآن ل اجل انسان
لاخانت العشره مباديها
كلمات اغنية كون انسان محمد بن غرمان
كلمات اغنية بسمتك لي محمد بن غرمان