كلمات اغنية لا تلومني علي مهدي و محمد فريدون
لا اتـلومني لـو هـاجت أحـزاني يسلمان
چـنّـك مـتدري بـالذي فـعلت الـعدوان
مـنّي خـذوا حـگّي ولا راعـوا الـوصيّه
وهـجـموا عـلي داري وسـاتر مـاعليّه
و الـمـرتضى گـاعد و عـبراته جَـريّه
و يـنظر ابـعينه ابّابنا وجّـوا الـنّيران
لا تـلومني ضـلعي انـكسر بـالباب گـوّه
مـاگـصّروا فـيـنا عـديـمين الـمـروّه
چـنّـك مـتدري هـالعبد بـيّه اشْـسَوّه
سـگّطني الـمحسن و خـلَّه الجسد نحلان
جـسمي انتحل من ضربة المسمار صدري
وانـلطمت اعـيوني وداحـي الـباب يدري
وكـلما جـرت نـكبه عـليّه ازداد صَبري
وِكـْظَمِت غـيظي والگلب فايض بالاحزان
و بــس عـايَنِت حـيدر امـلبّب گـايدينه
واسـمعت شـبلي الـحسن يندب راح ابونه
غـصبن عـليّه اطْـلَعت خـوفي يـذبحونه
و تـتيتّم أولادي عـگب فـارس الـفرسان
ضـلّـيت أدافـعـهم وظَـنتي يِـرحَموني
و مـالوا عـليْ بـالسّوط ظـلّوا يِضربوني
والله يَـسـلمان الـضّـرب ورَّم امـتـوني
گـصدي أبـث شـكواي لـلواحد الـديّان
گـلـها يَـزهـرا يـقلّج الـكرّار روحـي
ردّي عـلى بـوچ الـنّبي بـالدّار نـوحي
گـالت عـگب حـيدر تراني اتروح روحي
خـلـني أزلـزلهم تـرى مـابيهم احـسان
خـلـني يـسلمان اشـتكي ذايـب افّـادي
يـطلع عـلي الـكرّار لـو زَلْـزِل الوادي
والله يَـسـلـمان الـرّجـس روّع اولادي
هـذا جـزا الـمختار مـن عـدهم يَسلمان
مـاگـصّروا أجــر الـرّساله الـيوم أدّوه
سـِگْطوا جـنيني و الـوصي بالحبل گادوه
مـاقصّروا حـتى الـضّلع بـالباب كسروه
چـان الـگصد حيدر علي اشْجرمت النّسوان
