كلمات اغنية لما هرجع مش هسمي امين خطاب
انا عايش جوة حالة
جوة اوضة مضلمة
جوة مني كتير حكاوي
سايبة جرح معلمة
ميت سؤال ملهوش اجابة
ايه اللي غيرني كدة
ليه بقيت فاقد السعادة
ايه اللي وصلني لكدة
ليه بقيت حد تاني
شخص غيري انا معرفهوش
شخص كان شايل و شاري
ناس مريضة مرحمتهوش
عاشها مخلص كان بيخلص
وسط غدر و قلع وشوش
و الملخص إنو أخلص
للي طلعو ميتعاشروش
شخص كان اكبر طموحو
يحس بينكم بالامان
واما تتعب مرة روحة
تفهمو سكوت الكلام
كان بيتدراي بجروحو
كان بيكشي للحيطان
من عيونو سالت دموعو
واللي شاهدة عليه الايام
قال يارب انت اللي شاهد
عاللي خان كل وعود
عاللي كنت في ضيقته ساند
وقت ضيقتي ما كان موجود
كان سيناريو ومسرحية
اسمها غدر الزمان
كنت فيها ياناس ضحية
قتلو جوايا الغلبان
اه صحيح انا كنت طيب
بس قوتني الدموع
مش هكون منوكو قريب
او هفكر في الرجوع
كنت علي طيبتي انا بتعيب
هو ده كل الموضوع
خلتوني بقيت متغيب
حبل ودكو بقا مقطوع
دنيا قاسية ناسها ناسية
اي حلو بتعملو
لو هتصرف تلقي حاشية
كلهم هيطبلو
عشت ضايع بين رفايع
ع الفلوس بيقبلوو
كنت شاريو قالو بايع
همشي بس استحملو
لما هرجع مش هسمي
كله يجهز للحساب
ياللي شوفتو الطيبة مني
ده اللي جاي كله العذاب
ايوة فاكر مش ناسيكو
كله متسجل في كتاب
ياللي طبع النقص فيكو
خدوها حكمة من الكلاب
عارفك ياجرحي عشان بشوفك
بتيجي تزورني من زمان
حفظت شكلك وحفظت لونك
سايب في ياقلبي انا ليك مكان
من نار عذابي قفلت بابي
عشان احس بالامان
لغيت عتابي حبيت كلابي
عشان منها مش هتخان
كلمات اغنية لما هرجع مش هسمي امين خطاب
كلمات اغنية حرب اكتوبر امين خطاب