لو حاول كلمات
كلمات اغنية لو حاول بندر عبدالعزيز
جدّت على قلبي ظروف
خلّتني اختار البعاد
لا صمت يشفع لا حروف
عزّيت نفسي بالعناد
لو حاول بصوته يشوف
وشلون ينثرني رماد
وتصير هالدنيا وقوف
كل اللذي حولي حداد
ملّيت من قسوة يُروف
من حزني اللي بإزدياد
اهملني رغم انه عطوف
رغم ابيضه جاني سواد
وسّم حياتي بالحسوف
دمعي عن جروحه حصاد
ياما تمنّيته طيوف
يسرقني من حضن السهاد
محتاج له عن كلّ خوف
عاث بْتفاصيلي وساد
لو بسّ لوّح بالكفوف
شرّعت له صدري بلاد