كلمات اغنية ليتك معي كثير الكثيري
ليتك معي وتحس ابكثر شووقي
واني بدونك ياهوى الروح هالك
ما تعرف إنك نور عيني وذوقي
ومشاعري تسأل عليك وتسالك
يا ماخذن قلبي ودمي وعروقي
ليه دون غيرك شلت قلبي لحالك
يامن عليه القلب طايح شفووقي
وش عذر من قاصدك كلّه وعنالك
حبه حقيقي وكل وجده صدوقي
من دون كل الناس قلبه صفالك
الحب نعمه والمشاعر دفووقي
في قلب من يطلب غلاك وصالك
عن لا تخيب ضنّ قلبا يسووقي
كل الشعور اللي بوده عطالك
ياريم تلعات الجوازي حقوقي
عندك امانه دامني وسط باالك
فكري معك يا ساكنن وسط موقي
ولا يوم عن عيني يفارق خيالك
لالاح شوفك له مزوون وبروقي
غرد لكم من كثر شوقه وجالك
وابدع لكم جزل القصايد طروقي
عذب القوافي والمعاني هدالك
