كلمات اغنية ليل الذهول منير البقمي
انقذوني يالمطاليق من ليل الذهول
وضيقة لا عسعس الليل ماعنها وقا
مامعي صبر المهادي ولا حلم الرسول
غير قلب حطه الحزن نقطة ملتقى
من سلم من جور الايام لايقعد يقول
الهقاوي مضمحله والايام محقا
عزتي للي يدور على انصاف الحلول
كم نزل من راس رجم طويل وكم رقا
ياعيون الشمت غظّي عن عيون الملول
واعذري من طاح دمعه على عز ونقا
ماتطيح دموع الاحباب من باب الفضول
ماتطيح الا من فراق ولّا من لقى
زابنك بطعون الايام يالظبي الجفول
لا تخلّي حاجز البعد يهدم ما بقى
تدري اني بين الاصحاب وخفاف العقول
اتضاهر بالسعاده وانا كلّي شقى
لا سقى الله قبل حولين مدري قبل حول
يوم خليت القطاعه على وضح النقاء
جيت لك مثل العصامي على ظهر الذلول
ورحت مثل اللي يدوّر عن العالم تقا
الهوا بحرن شواطيه وامواجه تهول
والقلوب الخضر في جاله اسرا وعتقا
يابعد من راح عمره مراويح الفصول
لا تقول الواقع مهيب وشلون نهقى
ان عطتنا بيض الايام بنقول ونطول
وان خذتنا سود الايام لله البقاء
كلمات اغنية ليل الذهول منير البقمي
