كلمات اغنية مابتكسفنيش هايدي منتصر
مابتكسفنيش
مش ممكن اخبط على بابك
وماتفتحليش
وبتبعت خير من غير تأخير
مابتحرجنيش
مابيشغلنيش
قلق الحاضر
والمستقبل مايخوفنيش
مانت فـ كل الأوقات حاضر
ومابتسيبنيش
بارفعلك إيدي يا رب بدُعا
مابرجَّعهاش أبدًا فاضية
بتبيِّت روحي مطمنة
متحاوطة بسلامك راضية
لو عمري ده سجدة شكر لنعمك
مايوفيش
يا رحيم ده انا قلبي عشان فاكرك
أنا بانسى آلام أيام ماضية
سبحانك يا رؤوف على عَبدك
باشهد وانا روحي باصمة وماضية
على حَمدك كل كلام الدنيا ده مايكفيش
خليني أعيش
طوعك على طول
مِلكك والدنيا ماتسرقنيش
اديني إيمان
علشان أحزاني ماتكسرنيش
بصراحة ماليش
غير سندتك انت
وغير كرمك بصراحة مفيش
وانا لو هاخسرك
الدنيا بحالها ماتنفعنيش
كلمات اغنية كبيرة العيلة نبيل و نغم صالح و هايدي منتصر