كلمات اغنية ماتشوفه عيوني فهد الكبيسي 2022
ماتشوفه عيوني
ماتشوفه عيوني بس مكانه حـشاي
له محبه عظيمه وعشق ماله حدود
ماتعدىٰ ظلالي حب صـدره هـواي
شـافه القلب و حبه بين كل الوجود
ياضماي و غـديري ياشـتاي و دفاي
طـال بعــدك و حـزني كل ليله يـزود
و الله اني وحـيـدٍ مـابه احــدٍ مـعـاي
اسـهـر اللـيل كله و خـلـق ربي رقـود
لا لمحـتك تــلاشى ياحبيبي عـناي
والحزن وسط صدري ماله اية وجود
يـبـتسـم نبض قلبي و يـتزايد هــناي
ينجلي الضـيق عني و السعادة تعّوُد
مـالمس قـاع قلبي مسكنه في سـماي
حتى غيثي من اجله صار يمطر صعود
مـابخلت بـ شـعوري حـاتمي ٍ عــطاي
صـادق في غـرامي مـانقضت العهود
