كلمات اغنية ماذا اصابني عروة
ماذا أصابني
عشقت ولم أُعشق كَ ليلي
ماذا حلَّ بي
كَسرتني ولن أكسر كَ حيلي
بس أنا على بالي شي
على بالي و عذرك مش ببالي
قتلني ذكراكِ و لسّاني لحالي
و لسّاني لحالي
ماذا أصابني
أنا بير غميق صعب حدى يفهمني
الحبّوني بعاد صعب حدى يقربلي
و الفهم عمقي ركاكة كان يخنقني
طالب مجتهد مو من جهد مدرستي
صابر مضطهد جرحي صَبر يا آنسني
تركتي كلشي حتى الوسخ ما كنستي
استغربتي منايحي لانّك مو متلي
و لسّاني بداري حالي
صاير بنقز من رنة موبايلي
عم فكرك أنتي ما عاد في شي غالي
شكراً إلك لانّك عززتيلي أمراضي
ماذا أصابني
نفسيتي حلوة بس هنن سودوها
مجيئي سهل بس الرجعة مقطوعة
أمراضي قاسية و صريخي صار مقطوعة
نفوسهن سيئة اطباعهن مَسعورة
و الظالم ما بيبكي و عيونو مرفوعة
وراقهن فاضية بس كلماتهن مطبوعة
بدفتر عقلي لان دفاترهن مو مزبوطة
طول وقتي واقع ما حدى عم يسندني
و لما الجأتلها كانت هيّة مصدر ضحكتي
راحت بسرعة و غمّقتلي كَسر صدري
بحب أيديها بس صاروا كبل ععنقي
كنت عم حاول بجوها العابر يلي ماكان عادل
عم قاتل لاجل حدى فارغ و بمشاعرو متداول
ما بعامل بالمثل و بثابر لحب ميزان متكافئ
بسابق لأصل لابن أصل حتى لبيتي يكون شادر
أنا شخص نادر لهيك عطريقي نادر
لح وصّل صوتي من دون ما احتاج لكادر
الكل بيتكبّر بس الله عليهن قادر
بسرد بغرفتي بهالليالي السودا
بكتب حقيقتي مالي رابر عالموضة
حزني بهالحبر و هيّة عززتني بمودا
حيّة جواتي و عالواقع مثلت مموتا
مسيّر كرتك ببير و بالحَمار مدوّن
مخيّر لكون وسخ بس بالذهب مصوّن
مكدّس عصدري هم و صوتك باذني مطوّب
أسود و أبيض من البسمة فكروني ملوّن
و لسّاني بداري حالي
صاير بنقز من رنة موبايلي
عم فكرك أنتي ما عاد في شي غالي
شكراً إلك لانّك عززتيلي أمراضي
ماذا أصابني
بدي دلّال لحتى أوصل بيت مليكتي
أو يمكن لاء بس جرحي عأرض مدينتي
أعدائي كتير بس ما حدى ضرني قدي
هالسنة فاضية بس عززت بريقي
أوراقي صافية و ما خمّدت حريقي
ماشي بالعافية لكن ركّزت حديقتي
وقفت القافلة و سكّرت طريقي
سوفت وير لكلشي هاد المطلوب
دايماً حكون منيح لانّي محبوب
بطّلت متقلب صرت مسنون
ختام هالسنة باسمي مكتوب
ماذا أصابني
عشقت ولم أُعشق كَ ليلي
ماذا حلَّ بي
كَسرتني ولن أكسر كَ حيلي
بس أنا على بالي شي
على بالي و عذرك مش ببالي
قتلني ذكراكِ و لسّاني لحالي
و لسّاني لحالي
