كلمات اغنية ماشي شاهين
ماشي هربان م القرف مش رايح أدور ع الترف
بعد ما قفلوا كل الدرف ماشي و بكل شرف
ماشي و علي شمالي صفر ماشي و هربان م الفقر
ماشي و باتمني مارجعش غير بعد ألف شهر
بعد ما أكون عملت أسرة و أكون عامل ثروة
بعد ما أكون زرعت جدور و بنيت لنفسي أرض صلبة
ماشي عشان شوفت اللي أعد فيكي معملش
مهما راح و جه و تعب في الاخر ماوصلش
رايح بلاد اللي بيتعب فيها بيلاقي
مش يتهان هنا في خدمة عملاء ياخد بواقي
بلاوي بتحصل و اللي دماغه نضيفة بيخسر
يفضل يجرب مرة و اتنين و تلاتة و بيفشل
ماشي و يا قول عدولي و ابقوا قابلوني
أنا مش جي انتوا تعالولي و ابقوا قابلوني لي جيت
فلو هتحاولوا تقنعوني بان الغربة مش حتفيد
خلاص خليكوا انتوا فيها و أنا مش عايز أستفيد
متقوليش ماشي ليه أو رايح فين
و ناوي تعمل ايـــــه
متقوليش بلاش تجرب تمشي و تتغرب
قولي حاعد أعمل ايـــه
رايح أفرح أمي و ارجعلها محمل دهب
ماشي و ميرجعنيش ولا ألف سبب
ماشي و ناوي أمشي عدل منغير قلة أدب
ماهي يا أبيض يا أسود و السكينة تتسرق
مــاشــي سايب أهلي و ناسي
ناسي و مش باكي ع الهموم
مـاشــي و محلتيش غير لباسي
عامل في جيب حاطط فيه الباسبوور
مقهــووور ماشي و نفسي مكسورة
مش راجع غير و راسي مرفوعة
ماشي و المية مقطوعة و النور كمان مقطوع
ماشي قبل ما أعجز و تلين الضلوع
ماشي رايح بلد تانية أخلف فيها ابني
مش عايزه يتولد فيكبر و ييجي يحاسبني
لما يكون مش لاقي شغل و يفضل ياخد مني
ماشي رايح أدور ع اللي ملقتوش في بلدي
متقوليش ماشي ليه أو رايح فين
و ناوي تعمل ايـــــه
متقوليش بلاش تجرب تمشي و تتغرب
قولي حاعد أعمل ايـــه
كلمات ماشي شاهين
كلمات اغنية عصير قصب شاهين