كلمات اغنية متقلب المزاج ليل المحمدي
بعدو عني عشان كئيب
قالو عني اني غريب
قالو قعدته ممله
عمره ما كان لي حبيب
ضحكته بنشوفها صدفة
واحنا ناس للضحك هادفه
ده مينفعش يكون م الشله
مفكر نفسه حياته هادفه
سابوني وحدي ومحدش سألني مالي
وانا اللي فكرت نفسي ليهم غالي
اختياري للبشر دي مش مثالي
أنا اللي رخصت نفسي ظلمت حالي
من كتر اللي شفته مبقتش افهمني
ولا في ف الدنيا حاجه بتطمني
مش مستني حد معين يكلمني
وبسبب طيبتي الغبية أنا مش حاببني
متقلب المزاج
كل دقيقة عايش ف مود
مش لاقي لوجعي علاج
همي انا معدي الحدود
يعني عادي اضحك دقيقة
والدقيقة التانيه ادمع
احزاني اتراكمت بطريقة
خلتني أتوه مش مجمع
سلامي لكل حلم حلمته متحققشي
سلامي لكل حاجه اتمنيتها ومجاتشي
سلامي لكل اللي مشي ومقالش همشي
سلامي لكل واحد قالي متحلمشي
وداع يا حب عمري اللي وقفت عنده
وداع يا ذكريات مع حد مت بعده
وداع يا احساسي اللي شايل ده لوحده
هعيش اناني اه وداع يا طيبتي برضه
كلمات اغنية مادة ملعونة ليل المحمدي