كلمات اغنية مرثية ابن لوالده فلاح المسردي
مرثية ابن لوالده
ردني طاري الاشواق لـ اطيب سنيني
يامقادير عن مايرهق البال كُفي
دوري واحدن يقدر لها واتركيني
كان جابتك صوبي قدريني ولفي
يكفي اني من الايام فاقد يميني
بعد ماطاح جدر احلامي وهد صفي
يوم الاثنين من شهر 4 تكتسيني
ضيقتن ماهي بضيقة حبيبن مقفي
لاطرا طاري الذكرى وبيح كنيني
راح ليلي وانا ماغير اشغل واطفي
يامعاتبني الدنيا ماهي في يديني
لا اجل اعيش الفرح دايم بكيفي وشفي
وانت لو جاك مني ربع ماصار فيني
اعتزلت الظهور اللي وطاه التخفي
فاقد ابوي شيخ الطيب والطيبيني
لاتعزويت فيه اطى المصايب بخفي
فاقد اللي على علم السعد يحتريني
واشهد ان الوصاه اللي عطاني تكفي
من فقدته تقول اني فقدت اوكسجيني
كل حزنن مقيله في ظلالي وضفي
من عرف فعل ابن صبحان عاف الدويني
وقام في مجمل أصحاب المهونه يصفي
اشكر الله على الاقدار مهمَا يجيني
السخط والجزع لـ الفايته والتشفي
جعلها ماتباريني ولا تهتويني
كثر ما اجاذب الونات واصفق بكفي
واطلب الله نهار وليل مايبتليني
والله اني على قيد الحيَاه امتوفي
انت مستقصد من البارحه دمع عيني
ودك اكمل الموضوع ولا يكفي
اغنية مرثية ابن لوالده فلاح المسردي
عرضنا لكم كلمات اغنية مرثية ابن لوالده غناء فلاح المسردي وايضا يمكنك متابعة كلمات اغنية الهوى الغربي غناء فلاح المسردي مكتوبة كاملة
