مرجيحة

كلمات اغنية مرجيحة اميمة طالب

وقف لي يوم صافحت النجوم وعن مصابيحه
بغيت أصدّ وادركت الحسايف ايش سوّت به

وذكّرته بنفسي بسّ ما حاولت تجريحه
مع انه كان حاقرني ولي حق اتشمّت به

أنا ذاك الصغير اللي قطع حبلين مرجيحة
عشان تطير به لكن بدل ما تطير طاحت به

ولكنه خذا درس وتعلّم عقب هالطيحه
وربطها في جناحين امنياته لين طارت به
تمرجحت بسماي وصرت اشم لسحبها ريحة

تقل كنّ الأمل عود بمباخرها وفاحت به
بعد ما كنت من ياسي أجيه وفيني الصيحة
وأروح وحالتي أصعب من الوضع الذي جت به

جرَح واجد وانا عني كواحد من مجاريحه
مسامح والسماح أعلى من أحقاد البشر رتبة

عسى الله بس يهدي الناس وتحلله وتبيحه
وغروره ما ينسّيه الحسايف ايش سوّت به