من مثلك

كلمات اغنية من مثلك عبدالمجيد عبدالله

على مثلّـِك أصافـِح وقتـي و آهـنـّيه
واهنـّي خافقي ولاّ إنتَ من مثلك
عجزت أوصِف سما قَدرِكعجزت أوفيه
وش أبعاد السما قِلّي وانا أُوصِف لك

هـلا بِـك يا نِـسَـم روحي و يـا لـبـّيـه
في قلبٍ مَ إعترَف بالحب من قبـلِك
وش الحيلة في قلب امحبّتِك تمليه
في شخصٍ من غلاتك صار يشبه لِك
ومن مثلك

تفاصيلك إهي ضعفي لا تـسأل ليه
حنانك ضحكِتِك هيْبَتْك وطيب اصلِك
وصوتك كوكبي الوهّاج وحِسِـّك فيـه
إذا سـُولـَفَـْت يـاخذنـي وأسافر لِـك

وانا يا سيّد إحساسي ويـا غالـيه
فؤادي خيل ما ساسه سوى وصلِك
يحبك حب يشِبّ الحاسد وْ يطفيه
إليـن يـْرمّد وْ جِـعـْله فِـدى ظِـلّـك

هـلا بِـك يا نِـسَـم روحي و يـا لـبـّيه
في قلبٍ مَ إعترَف بالحب من قبـلِك
وش الحيلة في قلب امحبّتِك تمليه
في شخصٍ من غلاتك صار يشبه لِك

هوانا ما تـهـزّه ريـح و للتـشبـيه
هوانا يا جبـَل ويش اللي يقدرلك
وْغـرامك يا خليفة قلبـي وْ والـيه
وطن وإحساسي به شعبٍ فِدى كلّك

يا إسم ٍ من غلاه إن مَـرّني طاريه
يـراودني سـؤال ٍ ودّه يـوصل لِـك
أبي مثلِك وش اللي ينهِدى وأهديه
إذا إنـتـه يالغلا ما فيه أحد مثلّك

هـلا بِـك يا نِـسَـم روحي و يـا لـبـّيه
في قلبٍ مَ إعترَف بالحب من قبـلِك
وش الحيلة في قلب امحبّتِك تمليه
في شخصٍ من غلاتك صار يشبه لِك
ومن مثلك