كلمات اغنية مهزوم في الحب احمد الزيدي
مابس انا مهزوم في الحب
غيري نهزم وايد ملايين
الحب يعمي عقلٍ وقلب
غلطان من لام المحبين
يا ما ملك له دوله وشعب
جيش وعساكر لَه مطيعين
يعصاه حبّه ويهجره غصْب
لا يابته شدّه ولا لين
ويا كم قاضي في العدل صَلب
وفي الحب خانت بَه الموازين
ويا كم عالم فاهم وذَرب
م الحب تايه ما لَه معين
وذاك الذي مشهور في الطب
قلبه انكسر م الحب نصّين
ويا كم فارس سلمٍ وحرب
جور الهوى خلّاه مسكين
ويا ما مطوّع دوم يكتب
احروز في شتّى الميادين
حطّه الهوى في موقفٍ صعب
ضاع العمر والحرز والدين
كيف البقايا عاد تحسَب
طبع الهوى من سالف سنين
لي بالعشق ينصاب يتعب
وان زان يومه باكر يشين
بالله يا نسناس لمغرب
سلم على سيد المزايين
وبلغّه عن حالة امحب
خانه الزمن والحظ والعين
كلمات اغنية مهزوم في الحب احمد الزيدي