كلمات اغنية نجد العذيه فايز الدوسري
ياليل نجد العذيه والقمر والنجوم
كشفتو السر عن وجهً خذته السنين
استبرد الجو والخاطر مازال محموم
فيني دموع اليتيم وفي كائبة سجين
وردها عن العيون وماقف فيه لوم
على عيون القصيد وسر عشق دفين
ياعين حرن تعلى فوق روس الرجوم
اموحشن ماشبك لملوحين اليدين
عيونك الناعسيه لانضرت بالسهوم
سهومها تخج قلبي من يسار ال يمين
وعودك الي تثناء لعنبو من يلوم
مجنن العشق والا العالم العاشقين
ماودي اوصفك لناس هاذي عموم
اخاف من وصفي العالم لاتعطيك عين
الناس والله مافيهم ياعيوني رحوم
والكون ذا مثل زينك ماخلق فيه زين
ومحبتي لك عشانك من سلال قروم
ماهو على شان زينك يالقوام الحسين
يابنت عودن الياء كبرت كبار العلوم
يحلها ويدحم العالم بجنبن متين
انتي حفيدت امير وبنت مقدام قوم
من حقك الغطرسه والكبر تتكبرين
يافارعن عندك مقامع وملاطم خشوم
وعيال عمك من ادنى كلهم حاجرين
كنا سوى وافترقنا بين ليله ويوم
وشلون مدري لاكن ياجعل ربي يعين
الهجر ناره مثل ناري تلضاء شعوم
ونار العتيبي ماتطفي والعرب خابرين
وطير الاشوق عيا فوق غصنك يحوم
وضف جنحانه وقفى وقلبه حزين
الحر نفسه تراها ياعيوفه تشوم
من الي تقفي لونه في هواه رهين
غبتي وقفيت عنك مع الشناح الردوم
وضحن تسوم وحنا دونها واقفين
ونقول يالي تسوم ان طعتني لاتسوم
البيع لو باعو العالم ماحن بايعين
ومعها اغيب عن العالم واكب الهموم
ومع البدو لاسندو والا اقضفو مشملين
يالي خذاك الكبر انا خذتني السلوم
الي تحد الرجل عن تبعة الراحلين
يعني ومن الاخر لون القيامه تقوم
مارحت اطارد ورى وصلك لونه ثمين
كلمات اغنية نجد العذيه فايز الدوسري
