كلمات اغنية نجوم الليل عثمان الشراري و نادر الشراري
يا نجوم الليل بنتي للمسافر
واختفت اصوات وانوار المدينة
يا ليالي كنها كحل المحاجر
خلفها صمت المشاعر تحبسينه
وش يسوي من تولته الخساير
والخسارة سبة مفارق يدينه
اه يابعد المسافة كيف صابر
شخص غادر عن حياته مبعدينه
والشتا عيا يبرد قلب فاير
من فراق الروح يا ربي تعينه
والهوى جاه النوى والفكر حاير
وختلط قطر المطر باللي ف عينه
في سكون الليل والهاجوس داير
تطري اللحظات وأغلبها حزينة
بعد ما كان الدفى ع الصدر صاير
صارت اليسرى تدفي له يمينه
غبت عنه والحقيقة كان حاضر
في خيالي و الغلا يلمس حنينه
كنت اظن اني على النسيان قادر
واكتشفت اني مع الماضي رهينة
اتنفس عطر انفاسه واناظر
في عيونه يوم لامسني جبينه
واتأمل في جمال الورد ظاهر
من بياض الثلج كنها ياسمينة
فاح طيبن من جديل الزين طاير
وابتدت في داخل احساسي سكينة
واسمع اللي دقته دقة بشاير
من سجين يعشق اللي ساجنينه
اتذكر كيف صدقك فلمشاعر
كان واضح في كلام تنطقينه
حركت فيني وفي الاحساس شاعر
كل ابياته عن اللي تعرفينه
ادري اني كنت احلم بس اكابر
وادري ان الشعر مني تعشقينه
كل ليل في قفاه الصبح ظاهر
ينقض حبال الفكر لو هي متينة
في نهاية رحلتي شفت العماير
تعلن وصول المسافر للمدينة
كلمات اغنية نجوم الليل عثمان الشراري و نادر الشراري
كلمات اغنية درب الفلاح نادر الشراري
كلمات اغنية اجمل من عرفته عثمان الشراري