كلمات اغنية نسيم النود خليفه الوشاحي
حي بْنسيم النود يوم العباد ارقود
بارد لفى ذنّان
يلسه على العرقوب
رمسه مع المحبوب
طاب الشعر بوزان
والليل لو هو طال
يرتاح فيه البال
في حضرت الخلان
الله ع ذيج العين
ذاك الغوى والزين
غظ الصبا بطران
من شفت انا لقبال
ذاك الشعر نشّال طايح على لمتان
والعود لي معزول والمبسم المعسول
ك التوت ورمان
سبحان من سواه تاج الحسن اعطاه
خذ بيّت الغزلان
حبه سكن وحتل في خافقي مازل
وحده اعز انسان
قلبي عليه ايتوق توق الوحش من فوق
ك الصيد ف الميدان
والله عليه اغار لي ملفت الانظار
من نسمت البستان
خلا العقل مسلوب في ودّهم منهوب
بالطف والاحسان
يا كم غيره كم والله ولا اهتم
مني وعد وضمان
من خاطري بهديه باقة شعر توفيه
اهل الشرف والشان
يالله عساه يْدوم نهنى بوصله دوم
طول العمر خلان
كلمات اغنية نسيم النود خليفه الوشاحي
توزيع
عبدالعزيز العبريكلمات
أحمد بن عناد الخاطري