كلمات اغنية نص الحاجات مسار اجباري
مكتوب عليك نص الحاجات مكتوب عليك نص العما
مكتوب عليك نص السكات نص العياط و الهمهمه
مكتوب عليك نص انبساط متبقي من نص إترمى
مكتوب عليك نص السما مالكش حق في كلها
نص امتحان مالملزمه نص الحلول حتحلها
مكتوب عليك حبة حاجات حبة حاجات من ضمنها
تبص بصه عاللي فات كام نص مات
كام نص عاش كام نص مستنيك ماجاش
بصه عاللي فات كام نص مات
كام نص عنك مره حاش نص اللي كان مغفلك
ياما تهت ياما و اتمنيت علامه
و مشيت عكس عكاس
و اتعشمت في ناس
عايش بين وشوش عايز ناس ماجوش
انصاص بحوّشها و بحوش
لحالي بحالي
انا اللي اتكفيت و انا اللي اكتفيت
و رحت ياما و ياما جيت لفيت و بقيت
انا الحاوي انا الغاوي ده انا مخاوي
انا الغاوي في عز النوّه أعوم
و ياما وقعت ياما بس برجع تاني اقوم
بص بصه عاللي فات كام نص مات
كام نص عاش كام نص مستنيك ماجاش
بصه عاللي فات كام نص مات
فتعيد حساب كل اللي الحاجات
تلقى اللي فاتك كملك
كلمات نص الحاجات مسار اجباري
كلمات اغنية القناع مسار اجباري