كلمات اغنية نهج الركض مسفر السندوانه
يالله بسبوقً تكسر التيم وتيب
شيكن من الوثبه ولا شي غيره
شيكً من طوال العمار المعازيب
لي كملو نهج الركض في مسيره
صانو تراث الدار مع نظم ترتيب
والله يشهد ما لحقنا قصيره
من دونهن ل اول ترد المطاليب
على ضهور الهين عاشو مسيره
واليوم عشنا بحمد ربي على طيب
الانعام من فضله علينا كثيره
نظم مسار الركض من دون تخريب
ما باقي الا اليافل المستذيره
حمرا ترده شب من لاحقه شيب
وابها شعورن طايحت وحريره
يرزقبها من عالم السر والغيب
وتكون من ضمن الاسامي خطيره
تاخيرها عن شوطها يعتبر عيب
الشوط ل اول مالها شي غيره
تستر على الخله وكل العذاريب
ناموسها ينذاع في كل ديره
ودك مع شهمن يعرف المواجيب
ماهاب حر شموس قيض الضهيره
تشرق وهو في عزبته لين المغيب
عينه على قياس اطعام وشعيره
يفرح بها ربعه وكل الاصاحيب
يقدم بها في شوط لاضي سعيره
والركض هذا مره ايخيب ويصيب
الانسان يسعى دون يذخر ذخيره
كلمات اغنية بن حمرور مسفر السندوانه
