كلمات اغنية هامة طويق شبل الدواسر
يارب اناطالبك عفوك وعفوك جميل
نرجوك ياربنامن قبل رجوى الانام
اناطلبتك بجاهك وانت جاهك جليل
ياذا العفو والكبر ياذا البقى و الدوام
اكتب لناما كتبت لشامخات النخيل
اللي شماريخها ترخي بقوت وطعام
قرّبت من خيرة العيس الاصايل واصيل
الدارب اللي على حس العصاوالخطام
ونصيتها محمد الامجاد راس الطويل
محمد اللي له العلم وعليه الكلام
للمجد طلابه وللعز سيفٍ سليل
وللحق وجه ابلجٍ نوره يبوج الضلام
وللحلم فكر وعزم مايعرف المستحيل
القايد الملهم وساس العدل و النظام
ياسيدي تفعل وعادك تشوفه قليل
لو العرب شافته بين الوفى والتمام
الشامخ الصامل المقدام حدالصقيل
من قو باس وعظم شان ومهابة مقام
تقدح و رايك سديد ونطق قولك دليل
يالوجه والجاه والميقاف وقع الحسام
ياهامة طويق يالضافي وضلٍ ضليل
وجه السعد ياسنايد واحدٍ مايضام
انت الفرج يافرج صبر الزمان الطويل
وانت الفخر والسعد وانت السند والحزام
لاقمت ياسيدي قومتك تشفي الغليل
وابسط مساعيك تحقيق الامن والسلام
ياممن الخايف الملهوف زبن الدخيل
بحلمك الشرق الاوسط فاق حد الغمام
كفك ياعدال ميلات الزمان المهيل
الها على الموقف الغصاب علم ومقام
تنصاك كل الدول لإنك الرجى و السبيل
وماغير وقفات ابو سلمان مسك الختام
كلمات اغنية ياويل من حرب في حربه يعاديها شبل الدواسر
