كلمات اغنية هجن الزغبي جمعه العريمي
هجن الزغبي
يا هاجسي عطني من الشعر قيفان
من ندّر أبيات القصيد الفخوره
في مدح منهو كنه سهيل لا بان
منصا مديح اللي صدق في شعوره
هذا حمد للطيب والجود عنوان
شيّد على سطح المعالي قصوره
يا عون من ينصاك يوم الزمن شان
يندلك وباقي الدروب مهجوره
إلى نصاك وخاطره شاينٍ زان
ايروح والخاطر تزايد سروره
منومس فعلك على مر الأزمان
وأمجادك كثيرٍ ما هي بمحصوره
ومخوف مجمّل وله فعلٍ يبان
يفداه من غيبته كنها حضوره
نعمٍ ببو عبدالله القرم لا هان
والزعبي مجمل حضوره وشوره
مضمر ومن يحتزم في كحيلان
والله إن يعلن للمنصه عبوره
يا مخوف إتخوف لما ان الوعد حان
تقلط مقاليط الحرار الجسوره
جبت السبوق اللي لها في اللقا شان
عاداتها تسبق ما هيب معذوره
بشوطٍ تزين به الخطط والتفنان
ومن الحماس أخطا المعلق شعوره
بديتها بمساح في شوط قعدان
وغيره انجازات في كل دوره
نجاح يعجب ركضها كل الأعيان
ودلايل وذوق وبروق مخبوره
يوم العصا انفكت من قلاص لبطان
طارت وخلّت خصمها يدق زوره
بشعارك المعروف يا ذرب الأيمان
وفي مثل ذي الأشواط يعلن ظهوره
يشهد لك الطايف وفي كل ميدان
وفي الشحانيه مسبب لك خطوره
عاداتك الناموس ماهو من الآن
الوقت يشهد لك قدايم عصوره
كلمات اغنية سلام بهلاء سلام جمعه العريمي