كلمات اغنية هنسوق الجنان لؤي
العيشة بالعقل مملّة
والمشي من غيره يغرّق
ومن هنا ابتدت العلة
طب مين يحكّم ويفرّق
تعالي نمشيها بميزان
خلينا نعرف نتعامل
ان كنا هنسوق الجنان
لازم نركّبله فرامل
طريقنا واحد واحنا اتنين
وعقل مش هيمشّي راسين
يبقى انت دوسة وانا دوسة
وتبقى مركب بريّسين
وبدال ما نكسّر في بعض
جايز نتأثر ببعض
ونلقى معنى يجمّعنا
ونشوف طريق الصح فين
يبقى انت دوسة وانا دوسة
يبقى انت دوسة وانا دوسة
وتبقى مركب بريّسين
جم يعدلوا المايلة اتقطمت ولحامها اتفك
نتيجة مضمونة لشغل الكروتة والعك
ماهو كله عايز حل مريح
لو حتى بالأذى والتجريح
واللغز ده عايز مفاتيح عشان يتفك
طريقنا واحد واحنا اتنين
وعقل مش هيمشّي راسين
يبقى انت دوسة وانا دوسة
وتبقى مركب بريّسين
وبدال ما نكسّر في بعض
جايز نتأثر ببعض
ونلقى معنى يجمّعنا
ونشوف طريق الصح فين
يبقى انت دوسة وانا دوسة
يبقى انت دوسة وانا دوسة
وتبقى مركب بريّسين
