كلمات اغنية وضعي الله لا يوريك عبدالله ال مخلص
على وين ياللي تو ماقرّ قلبي فيك
ماصدقت أشوفك بعد ماطوّل غيابك
أنا في غيابك وضعي الله لايوريك
هموم وسهر وآلام وجروح بسبابك
خذ إيديني اللي فاقده راحتين إيديك
ذبحني الحنين الـ مسة إيديك واهدابك
لاتبطي وتترك ريحة ثيابك وطاريك
ترى اللي تحز بخاطري ريحة ثيابك
وش أبغى من الدنيا لو أنك تجي وأجيك
وأضمك وأقبّل وجنتك واتلوى بك
لاتهملني وتقسى علي جعلني ما أبكيك
أنا المزعج اللي مايهدوّنه الا بك
أحبك ومن حبك وأنا في المنام أدعيك
ولاَ مرني طاريك قمت أتحفابك
أنا في غيابك وضعي الله لايوريك
وضعي الله لايوريك
وضعي الله لايوريك
أحبك ومن حبك وأنا في المنام أدعيك
ولاَ مرني طاريك قمت أتحفابك
تجيبك هبوب الشوق في البال توديك
ولانمت تهجدني ملامحك وأصحى بك
يصحيني طيفك مثل ماخوفك يصحيك
ورى طيفك اللي جاب طاريك ماجابك
أي والله أحبك وأتمناك وأداريك
من الكلمه اللي وقعها يحرق أعصابك
وأحب الدروب اللي وطت فوقها رجليك
لاتستغرب أن قلت أعشقك وأعشق ترابك
حبيبي فداك العمر كله ولا يكفيك
وش العمر لاعشت أجمله فاقد أحبابك
أنا ماشعرت بلذة الحب قبل أغليك
ولا زانت الدنيا معي قبل مااحضابك
صدوف الحياه ولوعة الفقد والتشكيك
تراني بعد ربي عليها أتقوى بك
لو تطلب عيوني جتك هذي قبل هذيك
لكن لايقفي فيك غيري وأنا أولى بك
أنا في غيابك وضعي الله لايوريك
وضعي الله لايوريك
وضعي الله لايوريك