وياك

كلمات اغنية وياك ماجد المهندس

وياك وْانتي بدنيتي يَ اجمل الناس
أشوف كل شي حولي يسمو مقامه
عيناك عمري وْصوتِك إلروحي أنفاس
وْكلما إبـتسمتي إتصير أرضي غمامة
الله حباني إيّاك تاجٍ على الراس
حُبِّك يْاكيف أوصِف مداه وْ غرامه
وإحساسي أرقى حتى من كلمة إحساس
وْفيك الفخامة ما بَعَدها فخامة

إنتي الجمال اللي به الزين ينقاس
وإنتي القَوام اللي تناغـَم قَـوامه
ما بين وَقفة حُـّرٍ وْ مَشية أفراس
وْمابين رِقَّة عود ظبي العدامة
في مثلِك إنتي حَيَّ الارض اللي تنداس
يا قلب فـارِض ع الجميع إحترامه
تمشين وْحتى تْرابك بْعيني ألماس
وش عاد قَدرِك في خفوقي مقامه

زين وْمعاني وقلب مُفعَم وحسّاس
وْحِشمة وْنعومة زادوْ حِسنِك علامة
تِشبَهّها مِيزة وَجهِك إن قابل الناس
وْغمَّازتينك شايـلـتـها إبتـسامة
يحفظْك إلٰهي وْيسعِدٍك دون مقياس
وْيْديمك بْقلبي لِـيـوم القـيامة
وْتبقين ياخولة إنتي روحي والأنفاس
وآنا السعيد اللي إنتي حُبَّه وْ هِيامة