ياوليفي

كلمات اغنية ياوليفي الوليد ال عامر

صدري اللي طغت ضيقته على اتساعه
من عقب ضيقته ماعادني ب اجتماعي

صرت اجنب مداهيل العرب والجماعه
ل اجل مايلحظ النشاد ويش انطباعي

من سبايب وليفٍ حاف قلبي و لاعه
بندقه ماكنه مضرابها في ذراعي

عقب ما اومى ب يّده معلنٍ لي وداعه
وشّ عقلي تِقل ماني على الارض واعي

كيف فضّل على درب الوصال القطاعه
وكيف طاوع ضميره دون يدعيه داعي

قد مضى لي معه عشره وعمر ووداعه
والمراسيل ما لزّمتها كل ساعي

اتنشده وارقب طّلته كل ساعه
ووصلنا اليوم بين الناس ينعاه ناعي

ياوليفي اخذ ما فالضمير ب قناعه
وانت لك فالضلوع العوج حلّ ومتاعي

اختصار السوالف وصل مثلك طماعه
مير اشوفك على فرقاي يشعاك شاعي

دام قلبك على الفرقى تنافض شراعه
سمّح الله دربك ياحميد المساعي