كلمات اغنية يا حبيبي فيصل المداريه
ياحبيبي صاب منزلك بالصدر انهيار
صرحك اللي كد بنيته وراك تدمره
اتفاخر في محبتك لـكن باختـصار
صرت مثل اللي يحصد الهواء ويغمره
كان باقي لي بمهجتك لو كبر الزرار
اعتذر والمنزل اللي دمرته عمره
ياعيون اللي اليا ضف جنحانه وطار
الدرابيل الجديده تعجز تذمره
ولايطير الا اليا شاف له شوفً قرار
ومخلبه في صدر برقا الجناح يسمره
والشفايا جمرتين تواهج وسط نار
توها من حر صلو اللهيب مجمره
انت كلك نار تجمع بياضً مع حمار
تقل شمسً دوبها للمغيب محمره
والنهود صغار والبطن هافي تقل غار
والردايف بالثياب الطوال مشمره
والشعر يلمع على الضي من قوً الشقار
بشت اميرً تو امير الرياض مومره
مثل ذيل اللي تطلع حوافرها الغبار
يوم جت من فوق جرف المسيل مطمره
كل يوم تقوبعه سطل من وزر البكار
وبالشمطري كل لليلة خميس تخمره
كلمات اغنية مقادير الظروف فيصل المداريه