كلمات اغنية يا مغرور محمد سلطان
يالي مفكرها هتدوم ليك
الدنيا ايجار ومش تمليك
والزمن سمسار كبير
بكيفه يبيع ويشترى فيك
هتمشي وتيجي ناس تانيه
وهو دا حالها ما هي دنيا
لا ليها عزيز ولاغالي
بتغير طبعها ف ثانيه
قدر مكتوب وكاس بيدور
وبكره عليك هيبجي الدور
ياويلك لو تموت ظالم
يابختك لو تعيش ف النور
متتعشمش ف الايام
وتحسبها لسنين قدام
ومهما الدنيا ضاقت بيك
مستحللش قرش حرام
يامغرور والغرور واخدك
وفاكر الدنيا هتدوملك
تعيش على أد ما هتعيش
مسيرك للتراب وحدك
متمشيش سكة البطال
وفرق بين حرام وحلال
ف قبلك ناس كانت قادره
وكله على الكتاف اتشال
هتاخد منها إيه ينفع
لا مال ولاجاه معاك ينفع
مفيش غير حسنه تعملها
ودعوة حد ليك تشفع
غروره ودنيا متعابه
وتوعد بس كدابه
ومهما العمر طال فيها
هييجي اليوم ومتسابه
ياطمعان بكره هتسيبها
بلاش صدقني تحسبها
دى دنيا آخرها فاضي زوال
متتعلقش ف حبالها
دى فانيه والدوام لله
حتعمل خير تروح تلقاه
ومين فالدنيا كان سلطان
وخد ف جيوبه حاجه معاه
يامصدق الأيام متتعشمش واصحا وفوق
دا مفيش كبير ع الأرض غير بس الكبير اوي فوق
لو كنت ليك السلطة إنك تأذي خلق الله
خاف دعوة المظلوم تترد ليك من فوق
بقينا كتير نشوف الناس مبتحللش وتحرم
طريق الظلم ماشيين فيه طريق العدل متحرم
بنشهد زور مع القادر عشان فاجر
وكلمة حق ع المسكين بتتحرم
هاني لشهب
ليه تسقي الخلق من سمك
ولا بنشوفش خير منك
بتأذي ف كل خلق الله
وعايش بردو ولاهمك
تنام وتقوم على القسوة
ف نظرك كله ولايسوى
وتوعد كدب وبتخلف
ولو سألوك تقول نسوه
كلمات اغنية الربحانة محمد سلطان