كلمات اغنية يلي في طيحي بعتونا ابراهيم اشتيوي
جبنالك جزل القصيد
مجروده ومعنى جديد
من شاعر راسه عنيد
دايم عالقمه موجود
هذي ربوع الترابين
لّفزعات دايم جهزين
إسباعه لا لا ماتلين
ال معاديهم مردود
ابوسالم ياحي ملفـاه
ترباني والطيب يمناه
النشمي يومٍ تنخـــاه
ع يمينك تلقاه موجود
ابوسالم جمال الذييب
هذا اللي صيته ميغيب
متربي عالمـوااجيـيب
بالفزعات دايم مشهود
ابوسالم جمال ياحييه
هيبه وقيـاده ونخييه
انشهد سـداد عن مييه
ومجـهز ملح البـارود
حي الـنشمي حي الوافي
حي اللي فالضيق اسنافي
ابوسالم مافييه خـرافي
مايرده طـريق مسدود
هذا اللي عمره مايطيح
هذا اللي مايهزه ريح
هذا اللي وان طاح جريح
يوقف مـواقييف شجعان
ياللي في طيحي بعتـونا
لا تعودوا ثاني تحبـوني
مديت النور من اعيـوني
وجزاتـي اليـوم نكـران
انا مثـل الجبـل واقـف
لوماقتنعتوا مايخـالـف
منزالي روس المشارف
مادور القـاع يافلان
انا الجـود انا الخـير
هيبـه طنــاخه وتقـدير
ابوسـالم واسـمي كبيير
تعرفـني كل العربان
ترباني ونعمـين بسـاسي
دايم رافـع فووق رااسي
متربي من عـزّ النــاسي
مرحوم الغـالي اسليمان
مرحوم ياللي امـربييني
ابوعنيزان يانظر عييني
ياللي فالجـزلات معطيني
فعـايل كـلهن بــرهـان
ابومحمـد رمـز الشجاعه
طيبب ومهــابه وقنـاعه
ابوعنيزان فعل السباعه
تفخـربه كـل البــدوان
كان الخـيير كان الجود
عالقـمه دايـم معــدود
ان ثـارت ملّـح البارود
لقيـته محــزم مليــان
ابوعنيزان رجل المهابه
يوقف مواقيـيف اذيـابه
افعـاله للعـز طـــلابه
مرحـومٍ يابـو عنيـيزان
هـــذا فرج ابـوسـالم
ياصيته من بين العالم
اسنافي وبسيفه صارم
وزناده يقدح نييـراان
ابوسالم راعي الفضيله
شيال احمـول الثقيـله
ارجـاله مثـله قليـله
تنخـابه وانت الكسبان
تنخـابه في وقت الشده
وادروب الناري ماترده
ابوسالم معروف من جده
عند الشـدايد ايبــان
ولانتـم ياللي اطيحونا
علمونا ياكيف ترقـونا
احنا اكبار ماتفهمونا
معروفيين مر الازمان
مهمـا الليالي تشقينا
مهما الاصحـاب تخـلينا
اسباعه دووم مانحنينا
الـا للحـي الرحمن
مهما نطييح لابد انقوم
ومن فوق السحاب انحوم
حنــا ربـّانا زيــزوم
فيـنا الزعامه عنـوان
وختمها جزل الـكلام
بصلاة والسلام
على النبي الامام
محمد طه العدنان
كلمات اغنية لبيه ياداعي الوطن لبيه ابراهيم اشتيوي