كلمات قصيدة انتي نقطة ضعف عمرو حسن
انتي نقطة ضعف بردو
يا فولانه ياغاليه يابنت فولان
يا رصيد الافراح والاحزان
الناس جايه بتنصحني علشان
مفضلش بروحي الخوافه
وقالولي انك مش حباني
وانك عايشه ف عالم تاني
وانك من يومك نسياني وبنا مسافه
وقالولي ان العين الشايفه
مش زي العين المتشافه
وقالولي في ١٠٠ واحده تريدك
واملها تكون ايدها ف ايدك
وقالولي الخطوه اللي تفيدك
تنساها وترجع تتعافي
وقالولي كتييير وانا مش مهتم
انا حبك روح وطبيعه ودم
بالكيف والكم وده نصيبي
انا حبك علشان انتي حبيبتي
مش لجل تقولي انت حبيبي
جيت الدنيا وجيتي معايا
مزروعه حكايتك جوايا
وانا عيل ف الفصل رأيتك
واتخيلت ملامح بيتك
ومشيت ف الدنيا وانا بحبك
وانا قبل ما اقابلك حبيتك
دلوقتي الناس الصياده
بيقولوا بحن وبتغاضي
وانا يعني بحبك بارادتي
دي مشيئه وتسليم واراده
العيب اللي الناس شايفينه
احاسيسي موافقه وقبلينه
والحب مصيبه وخبطة راس
ومفيش تعقيب ع قوانينه
الحب ملوش حسبه ونسبه
ملهوش منهج ننقل منه
ولا مِنَك ولا ممكن شبهك
ولا حتي سنك من سنه
الحب اذا اتملك بيبان
ويكون اعلااان ع الملاغيه
وحمام الشوق اذا كان بيعود
كان كفي وفاض كان ملي غييه
وانا دية قلبي اذا كان ولهان
حبة عرفان علي ملاغيه
بتروح مسحوب منغير ما تتوب
وبتقبل حبك ع عيبه
وتكون مخطوف زي المشدوه
قدام ساحر له الاعيبه
ولا فارق ناس بيقولوا ملام
وبيرموا كلام او بيعيبوا
الحب اذا قاد ، عمره ما بيقل
بيهين ويصون ويدين ويحل
بيفوت ويعود ويسوق ويضل
ومفيش حب تمامه كرامه
الحب ده كيف والكيف بيذل
كل اللي اتقال عنك عارفه
كاتبه وصرفه وبردو راضيه
سبحان الله
حّبك حب اللي ملوش ردة فعل
منغير ما استني تحبيني
وده عّي ملوش ف الدنيا علاج
غير دعوه لربنا يشفيني
ف العمر بحاله
ف قصة حب هتِقلب فكرك وكيانك
هتغير فيك وهتبقي ماضيك
وتشقلب فيك وانت مكانك
وبسبب القصية دي ياما حاجات
هتكون فرحك او احزانك
واحده اذا اسمها يتقال تترَب
واذا كنت عجوز هتعاود شّب
هتكون مجنون وعبيط ومّدب
هتعاشر نص بنات حوا
انما واحده بيعنها هتتحب
ف بجد وفعلا وامانه ..
مهما الواحد حب وعاني
فده مش ذنبه
واذا حَب جديد
ميكونش حنينه اليه خيانه
اتخن واحد ليه نقطة ضعف
له واحده بتملك مفاتيحه
وشموع جلده لو شافها ف يوم
بيقيدوا ويتطفوا ويسيحوا
وتكون السر ف تطبيبه
وبتبقي السر ف تجريحه
ف انا حبك انما مش عاوزك
مشتاقلك انما مش عشمان
انتي اللعنه الكامنه ف وجعي
والعمر اللي انا ضيعته زمان
ف سلام
وف بالي ومشتاقاك
يا فلانه يا غاليه يابنت فلان
كلمات قصيدة انتي نقطة ضعف عمرو حسن
كلمات قصيدة بعد اذن الست عمرو حسن