كلمات قصيدة عايش لثأرك سنيني محمد باقر الخاقاني
عايش لثارك سنيني ويلهب لجرحك ونيني
وكربله كلها يجدي صوره مرسومه اعله عيني
بعيني مطبوعه النوايب الدنيا بعيوني خرايب
ودمعتي الحمره اعله خدي ترسم جروح ومصايب
دمع الجفن صبغ ثيابي دمع احمر ابچي من عذابي
إملونه الدمه كل ملبسي
صرخاي ترسن البوادي ويلاه يكربله انادي
وما مرة خاتم مجلسي
ياجدي كل يوم اليمر بيّه يمر يوم اهدعش
للماي اباوع والگه بي طفله تصيح من العطش
جداه اروه ضمه جداه وابچي دمه
ياحسين السلامُ من قلبٍ مقروح
ياحسين ومن دمٍ دمعه مسفوح
لاندبنك صباحا ومساءا
گلبك وگلبي يجدي طينه وحده منها نبدي
يعني كل العاشه گلبك حسّه گلبي وباقي عندي
كل حزن با الطف نعيته كل جرح مخفي بچيته
ما تفارگني عيونك وحزني من عينك خذيته
وين التفت يجدي اشوفك شايل رضيعك بچفوفك
بنص المعاره اتقبله
وطرفك اشوفه من تديره واقره عذابه حيره حيره
كل حيره وحده كربله
إنداريت ابو مفارگ بنت إنداريت اخو تنطره اخت
وغير اللي شفته بكربله كل الوراه يجره شفت
جداه يالوعتك جداه ومصيبتك
ياحسين فلئن اخرتني الدهور
ياحسين وعاقني عنك المقدور
لاندبنك صباحا ومساءا
ابچي دم گلبي لحسرتك وغربتي كلها لغربتك
واگف لوحدك تحامي تجرح عيوني وگفتك
جمره ثاراتك بديه وشايل بروحي رقيه
تصرخ بأعماقي بابا كل صباح وكل مسيه
كل لحظه بعدك بمصيبه طفله وتسمت الغريبه
إشّافت عگب عينك الم
رقّة اسمها ما تناسب ركض الفله وبچي الخرايب
راح الدلال ويَ الخيم
ابچيك ضامي اعله الثره وضايع دلالك با الفله
ابچيك ابو حاير وگف وحده يحامي عن هله
جداه بأهلك حرت جداه وشگد متت
ياحسين بأبي اسير الكربات
ياحسين بأبي قتيل العبرات
لاندبنك صباحا ومساءا
من يهل شهر المواجع لحظه ما ابطل المدامع
وبصفر امشي وْيَ ظعنك وارجع من تشوفه راجع
ظعن المفارگ عشيره امشي وياه ديره ديره
اوصل لبابك يجدي وافتح جروحي الاسيره
بهذا ابجمر اتاني ثارك حدما يطفي سيفي نارك
وللزهره امي امسح دمع
ثار اللي طايح بغربته وللتل غريبه صعدت اخته
وخيامه حاوطها الفزع
بيدي رضيعك ارفعه يذبحونه اصيح بيا ذنب
بچف ماي واحد يرتوي وما قبلو يضوگ العذب
جداه بجمر المهج جداه متاني الفرج
ياحسين حتى اموت با المصاب
ياحسين وغصتي والاكتئاب
لاندبنك صباحا ومساءا
كلمات قصيدة عايش لثأرك سنيني محمد باقر الخاقاني