كلمات قصيدة غلطة العائلة يوسف شذان
غلطة العائلة
الحمد لله لاجدي اكل حق حد
ولاتسجل بجنب الشله الطايله
وابي له الحمد ربانا ومامد يد
بالرغم كانت ظروفه طالعه نازله
وانا احمده حمد لايحصى ولاله عدد
عايش بفضله ودعوت روحي الفاضله
جالس احاول اكون للناس كامل سند
لكن معي ناس بيجولي وهيه قافله
اقلهم ايش ولا ايش مافيش رد
الناس بتشوفها خضرا وهيه قاحله
ماعاد فيني مساحه للزعل والنكد
قولو لمن قرر الفرقه عنشتاق له
حيا الله الي بقى والله مع من بعد
حلفت ماعاد اراضي حد ولا اجامله
دنيا بتاخذ عطايا الناس من دون رد
نمشي وراها ونعشقها وهيه زايله
والعافيه كنز يعرفها عليل الجسد
بس اغلب الناس عن جُل النعم غافله
لايعجبك ياغبي في الناس كثر العدد
ركز بمن ترتكي في اللحضه القاتله
لاتنتضر من حدا يبقى على ماوعد
ماتعرف الشخص الا يوم تحتاج له
الله لاعرفك معنى نفاذ المدد
والفزعه الي تجي من ناس متخاذله
اخرج من الصعب والشده وقلبي أشد
حافض دروس الحياه وايامها كامله
والغابه الي بتتمنى سقوط الاسد
عتموت داخل تجارب كلها فاشله
مهما الحياه عاندتني والدبور احتشد
حاسس بان النهايه باتكون عادله
والبعض بيشوف لاصحني وكله حسد
يضحك بوجهي وانا داري بما داخله
لوحاسدي شد نفسه ياعرب واجتهد
اني بنوصف نجاحاته بدل باطله
والبعض فوقه ثقالة دم تملي بلد
فارض وجوده ولو محد بيرتاح له
والبعض ماعاد تدرا بنت ولا ولد
ياليت والاسم ذي سموه يستاهله
ياليت وابوه يوم قرر يجيبه رقد
من مشيته تعرف انه غلطة العايله
كلمات قصيدة غلطة العائلة يوسف شذان