كلشي انتهى
شهد الشمريكلمات قصيدة كلشي انتهى شهد الشمري
حسبالكم كلشي انتهى
ورتبت روحي ووضعي
وحسبالكم ماينطفي
وللصبح گاعد شمعي
تدرون بيه اشگد حچي
وتدرون بيه اشگد بچي
وصدكوني غيم الله النزل
مانازل ابگد دمعي
اتشوفوني اضحك وابتسم
بس ماعرفتو اشبيه
تدرون بيه اشچم جرح
وما اغفى حد وجه الصبح
هيچ اشتعل يوميه
وهيج انا اضل ليليه
وتدرون من طحت بعسر
اقرب الناس اتبخرت
والبقو يمي بكل وكت
بس امي والجنسيه
وتدرون نصهه اتغيرت
لا والله كلها اتغيرت
بس هم گلت مگضيه
وأنا ادري مامگضيه
ومادام اضل بطيبتي
يعني الجرح يوميه
ويعني الدمع ليليه
بس هم اگولن تصفه
وغصبن على الدنيا اغفه
ومره اشتعل مره اطفى
واعذر الناس التبتعد
وماگلت كلش ماوفو
بس گلت كلمن ظرفه
تدرون چم مره التعب
خلاني اموت من البرد
وما ادري شيسوي الجمر
رغم أنا چنت بصفه
وشيفيد اذا شكلك حلو
بس نور وجهك يطفه
وشيفيد اذا ترسم شمس
بس هيا ظلمه الغرفه