كلمات مهرجان الخطف بالدبوس وحكايه بنوته ابوالشوق
الخطف بالدبوس وحكايه بنوته
نزلت يوم مولد الحكاوي
وسمعت فيه قصة غريبه
اسمع ياعم لو انت غاوي
سيبلي نفسك لو دقيقه
قصة بنت وجاي احكيها
كانت وحيده وروح والديها
ضحكتها دايما ماليه عينيها
وردة مفتحه روحها جميلة
بنت جميله قلبها كبير
وابوها طيب راجل وامير
وامها ست ياعيني غلبانه
لكن الفقر ماسك بضمير
والبت نزله تشوف شغلانه
ابوها قال دى تساعد معانا
نزلت ياناس عادي العربيه
وصوت ست كبيره تعبانه
عماله تشكي حظها قليل
وتقول انا ابني قاسي ومنيل
وتعيط وتزيد في دموعها
وعلى كتف البنت تميل
والبنت رقيقه تهدي فيها
شايفه الهم قال ايه ماليها
وراحت الست بكل جحود
شكتها بدبوس تأذيها
والبنت قالت اي شكني
انا لي دايخه وايه هدني
والست ترد انا معاكي يابنتي
دنا من غيرك ضهري ينتني
اغما عليها يدوب في ثواني
والست تصرخ وتقول ياني
نزلت وراجلين جم خدوها
قالت اخوها وجوزها التاني
غمو عنيها و خافو تفوق
وامها قعده قلبها محروق
رنت عليها وغير متاح
رموها ف اوضه ما فيها مخلوق
ولما جه الزعيم وشافها
قال الحظ علينا حدفها
حطوها مع باقى البنات
والواد قام بسرعه مسكها
دخولها اوضه ومقفوله
بابها حديد معمول عموله
لاقيت بنات كتير مرميه
قالت بحلم مش معقوله
تمر ليالي وتفوت اوقات
وكل يوم يسحبو في بنات
الي ياخدوه منها عينيها
والي ياخدو قلبها في سكات
واهل البنت الخوف قتلهم
مستنين رساله تجيلهم
وتقول فيها انا جايه اهو
ايام صعبه وهدت حيلهم
وعدا وقت مفيش اخبار
ابوها قلبو دا قايد نار
ياترى بنتي حصلها اية
يارب استرها ياستار.
في حته ضلمه خدوها دبحوها
سلخو جسمها اعضاء شلوها
مافيش ضمير ومافيش حنيه
زى اى دبيحه ورموها
فى يوم الاب تيلفونو رن
تعاله خد بنتك م القسم
راح وكان فرحان مشتاق
ولقاها جثه مفيش أعضاء
رفع ايده لرب الكون
وعينه فيها دموع بـ الكوم
بنتي راحت انا مهموم
مش مصدق انا موهوم
لية ياربي ختها مني
دي كانت نزلة عشان تساعدني
مش هسامح مرة نفسي
بنتي راحت ودا كان سببي
نصيحه مني لكل شيطان
في يوم ازى ايها انسان
جيلك يوم هتموت ياجبان
والحساب هيكون أكوام
خلو بالكم من الدنيا ديا
شياطين الانس ظالمه وقويه
حرص ياعم وخلى بالك
الناس دي سوده ومش طبيعيه
كلمات مهرجان ضحية المنصورة 2 ابوالشوق
